by

SEKOMS Lansa Ezisténsia Community Youtuber Timor-Leste

Sekretáriu Estadu ba Komunikasaun Sosiál, Merício Juvinal dos Reis “AKARA” apresia inisiativa no kriatividade husi foin-sa’e sira ne’ebé hahu dezenvolve an liuhusi Plataforma Dijitál.

Merício Juvinal dos Reis “Akara” hato’o apresiasaun ne’e iha serimónia lansamentu Community Youtuber Timor-Leste (CYTL), sexta-feira ne’e, iha edifísiu Luta Hamutuk, Farol, Díli.

“Hau apresia ho ita-boot sira nia ideia ne’ebé kreativu no inisiativu ne’ebé kapaz, ne’ebé hahú atu dezenvolve an liuhosi plataforma dijitál tanba nasaun hotu-hotu hahu prepara an atu aproveita era dijitál ba povu ninia interese. Se ita uza era dijitál ho diak sei fo benefísiu pozitivu mai ita maibe wainhira ita uza sala sei fo impaktu negativu”, afirma SEKOMS, Merício Juvinal dos Reis “AKARA”.

SEKOMS hateten youtube hanesan plataforma media online ida ne’ebé famozu, ne’ebé bele fasilita ema atu akompaña informasaun husi mundu ka nasaun seluk.

“Ita hotu hatene katak plataforma media online hahu famozu no familiar, iha ne’ebé ema bele hahu akompaña informasaun husi mundu seluk liuhusi media online, no ida mak Youtube”, hatutan SEKOMS, Merício Juvinal dos Reis “AKARA”.

Iha serimónia lansamentu ne’e, SEKOMS deklara governu prontu atu apoia no sai parseiru ba Community Youtuber Timor-Leste (CYTL) ne’ebé harí ho objetivu atu promove kriatividade no informasaun liuhosi plataforma youtube.

Lansamentu ne’e hahu ho aprezentasaun tema oin-oin husi oradór sira no partisipa mos husi reprezentante Luta Hamutuk, RYLA Timor-Leste, LAFAEK vloger no estudante sira husi ensinu sekundáriu balun.

Comment

Leave a Reply

Your email address will not be published. Required fields are marked *

News Feed