Sekretáriu Estadu ba Komunikasaun Sosial, Merício Juvinal dos Reis “AKARA”, partisipa iha serimónia lansamentu Projetu Diversidade iha ámbitu programa Prokultura PALOP-TL, iha Sentru Kulturál Portugés-Díli, kinta-feira, loron 30 fulan-janeiru tinan 2020.
Programa ne’e destinadu ba promosaun empregu no rendimentu iha setór kulturál, espesialmente, iha área músika, arte sénika no literatura infantil no juvenil, iha PALOP no Timor-Leste.
Alende ne’e, projetu ne’e mos atu kontribui ba diversidade kulturál, sidadania ativa no identidade liuhosi kultura.
Projetu ne’e finasiandu husi União Europeia no kofinansiadu no jeridu husi Insitituto Camões, IP nomos Fundasaun Calouste Gulbenkian.
Partisipa mos iha serimónia lansamentu programa Prokultura ne’e, Sekretáriu Estadu Arte no Kultura Timor-Leste, Embaixadór Portugal, Embaixadór União Europeia, Embaixadór Brazil iha Timor-Leste, reprezentante sosiedade sívil, parseiru sira no konvidadu sira seluk.
Comment