AKARA : Hau Kontente Nonton SMnewstimor Tamba Follower Barak
Sekretáriu Estadu ba Komunikasaun Sosiál (SEKOMS), Merício Juvinal dos Reis “AKARA”, hetan vizita koortezia ida husi Diretór SMnewstimor, Mariano da Costa, hodi dada lia uituan kona-ba durante eziste hari’i media SMnnewstimor ho nia ekipa ne’ebé maka maiória servisu voluntario hodi fahe informasaun ba publico, Sexta-feira, loron 18, Novembro 2022, iha sala reuniaun SEKOMS, Palásiu Governu, Dili.
Depois Ezonera ou hapara kontratu husi Presidente Rádiu Televisaun Timor Leste. Empresa Publica (RTTL.EP), Mariano hanoin kedas hari’i média ida ne’ebé ho naran SMnewstimor no konsege hala’o live/ dereto durante fulan hitu ona no hetan follower 80.000rb resin maka akompaña ne’ebé barak tebes. Maske SMnewstimor hetan ona follower terbanyak maibé hasoru dezafiu oi-oin iha aspeito financas no mos recursu humano, nune’e nafatin atu dere governu onia odamatan nomos entidades seluk.
“Ha’u servisu voluntáriu no ha’u loke formasaun ba juventude sira hodi aprende nune’e ami servisu hamutuk ho voluntario, durante servisu iha RTTL.EP hanoin institusaun tergensi no ema koinese liu ita mak ne’e, afinal ita uza plataforma digital ho matenek mos sai famosu ou terkenal mos,, depende husi ema nia kreatividade no inovativo” dehan Mariano
Agora ita presisa ekipa barak demais dada fiu tun sa’e, hi’it kamera ho todan no hatodan deit orsamento estadu milhoens ba milhoes dolares Amerika, depois povu ladun akompania noticia hanesan deit. Agora usa deit telephone matenek (smartphone) hodi divulga informasaun lais no atual liu ho plataforma digital tamba mundo agora ne’e tama ona mundo digital.
Iha fatin hanesan Sekretáriu Estadu ba Komunikasaun Sosiál, Merício Juvinal dos Reis “AKARA”, apresia tebes ho ezisténsia média SMnewstimor ho nia follower barak liu ne’e sinál di’ak tamba era agora maiória sidadaun utiliza telephone matenek (smartphone ).
“Ha’u kontente loos ho Mariano tamba bele halo mudansa ne’ebé signifikante utiliza Plataforma digitál, no ha’u husu nafatin utiliza Plataforma digitál ho maneira humanismo no inspira nafatin juventude sira seluk” dehan “AKARA”.
Hahu ona ho digital ba atividade ne’ebé maka pozitivu tamba mundo agora tama ona ba mundo era dijitalizasaun nomós komesa dadaun ona tama mundo /zaman G. Lapresisa konta historia barak liu apalagi ho konta nafatin zaman batu ( kuno ) lainspira foin sa’e sira.
Comment