Ministru Interinu Asuntu Parlamentar no Komunikasaun Sosiál, Merício Juvinal dos Reis “AKARA”, partisipa iha sesaun plenária, segunda-feira, loron 28 fulan-Marsu, tinan-2022, iha Uma Fukun Parlamentu Nasionál, Dili.
Antes tama ba períodu Ordem do Dia, Deputadu sira diskute kona-ba pedidu justifikasaun falta husi Deputadu Domingos Lopes Lemos, Noé da Silva Ximenes “Buka Tuir”, António dos Santos “55”, Óscar de Araújo, Deputada Helena Martins no Lúisa Taeki, ne’ebé tuir kedas deklarasaun polítika husi bankada parlamentár.
Iha intervensaun diversas, Deputadu sira hato’o preokupasaun sira liga ho servisu kooperativa, restus mortais, Infraestrutura, saúde, seguransa sosiál, orsamentu ba Polisia inklui kestaun seluk tan.
Hatan ba intervensaun, Ministru Interinu Asuntu Parlamentar no Komunikasaun Sosiál, Merício Juvinal dos Reis “AKARA” hateten, liga-ba infraestrutura simu informasaun husi Ministru Obras Públika sei koordena ho asuntu sira ne’e, liga ba manutensaun Estrada, bee mós no seluk tan IGE sei hala’o nia servisu.
Liga ho estabelesimentu Sentru Paralelu, Governante ne’e afirma Governu ho Instituisaun relevante sira halo hela avaliasaun no hein katak iha eleisaun segunda ronda bele hadia ona problema tékniku sira.
Enkuantu kona-ba sasan folin, “AKARA” hatete ekonómikamente sei la hamrik mesak tanba depende hela ba nasaun viziña Indonézia no Governu Timor iha mekanizmu rasik.
Preokupasaun sira seluk ne’ebé seidauk fó resposta, MAPKOMS sei enkamiña ba ministériu kompetente atu buka solusaun.
Comment